Ақын өлеңдері жинағы ✍️

Көңілдің кейбір сәттері
Көтеріп көкке аттанған.
Дәуірдің киіз дәптері
Оқылған, яки жатталған.
Құшағын ашар тоғайлар,
Жаныңды тербер жағалар.
Көкейде жүрген көп ойлар,
Көмескі тартар, жоғалар.
Жап-жалпақ мынау дүние
Жүрекке сыйып түп-түгел,
Бәріне сен би, сен ие,
Табылмас сенен мықты дер.
Аялап Ана-Табиғат,
Қайырылмас қанат бітеді.
«Айдайға» салып айғайлап,
Ән салғың кеп кетеді!