Ақын өлеңдері жинағы ✍️

Бодамбай Қанатты
Өзіне қаратты:
– Кеше ауыл сыртында
Жарыстырдық көп атты.
Ермекбайдың боз қасқасы,
Озып шығып, басқасы
Орта жолда қап жатты.
Не керек, боз қасқа
Алдына жан салған жоқ! –
Бірақ Қанат
Бұған таңданған жоқ.
– Біздің үйдің ала мысығы,
Көрші үйдің қара мысығы
Майдан ашты.
Ала мысықтан тайсақтап,
Қара мысық
Тұра қашты...
Сабақ үстінде екеуі
Судай тасиды.
Мұғалім сабақ сұраса,
Желкелерін қасиды.