Ақын өлеңдері жинағы ✍️

Күлкі қылып өткен-кеткен,
Маңдайымды көп терлеткен,
Елігім-ау, еркем менің,
Дауысың-ай өктем неткен.
Қайырмасы:
Жан дауасы сенен деймін,
Сенсіз жүрсем «өлем» деймін.
Бір күн қуып шыға ма деп,
Елігім-ау, елеңдеймін!
Суық болды нұрлы көздер,
Ұшып болды жылы сөздер.
Елігім-ау, қайда кетті
Ертегідей сол бір кездер.
Қайырмасы.
«Фигурамды сақтаймын», – деп,
Шықтың: «Бала таппаймын», – деп.
Жаратқаннан жалбарынам,
«Қу бастықтан сақтай гөр», – деп.
Қайырмасы.
Елігім-ау, күндіз-түні
Ойлайтыным сенің қамың.
Қажыдым ғой зырыл қағып,
Шыға алмай жүр шыбын жаным.
Қайырмасы.
Сырғаң болып тағылайын,
Помадаң боп жағылайын.
Әттең, өмір барады өтіп,
Сонша зарлап неғылайын!
Қайырмасы.