Ақын өлеңдері жинағы ✍️

Мереке алдында
Бір шоқ гүл алдым да,
Сыйламақ болдым «шүйкебасыма».
Сәл иіліп,
Жымиып, ұсына бердім...
Ол болса,
Бұртиып шыға келді,
– Мен сенен гүл сұрадым ба,
Сондай-ақ ол қымбат тұрады ма?!
Гүл деген
Қалада да өседі,
Далада да өседі,
Шөп сияқты есебі.
Қандай жігіт қыз үшін
Шөп жинайды?
Наоборот,
Алтын сырға сыйлайды!
Сен сияқты сүмелектер
Мыстың өзін қимайды.
Ал кейбір жүрек жұтқандар
Импортный зат апарад!
Міне, нағыз махаббат!
Саған қарап қор болған
Мына мен тіптен ақымақ.
Прощай, дорақ! –
Деп гүлді
Асфальтқа атып кетті...
* * *
Қысқасы, махаббатты
Дүниеге сатып кетті.