Ақын өлеңдері жинағы ✍️

Мен ешкімге гүл бермедім,
Беруге де үлгермедім.
Бозбалалық дәуренімде
Қалтаң-құлтаң күн көргемін.
Көк тиыным артылмастан,
Көп үмітім сарқылмастан,
Қыздарға мен күлкі сыйлап,
Жүрегімнен алтын шашқам.
Қыздар да гүл сұрамады,
Жыр қалады ұнағаны.
Көкірегімде жұлдыз жанып,
Сықырлады бұлақ әні.
Ай астында тұра қалып,
Жырдан қолға шырақ алып,
Лепіргенде кетті көбі,
Шырағымды сұрап алып.