Ақын өлеңдері жинағы ✍️

Жігіт еді қылыштай қынаптағы,
Жанбай қойды пақырдың, бірақ бағы,
Жалтылдаған жанары нұр шашатын
Алтын баулы сырғадай құлақтағы.
Жата қалып жұрт күлді қылығына,
Қыстырмады ол сабаз жұлығына.
Тентек сұрлау теңселіп жүрсе-дағы,
Түкірмеді ешкімнің құдығына.
Ол өмірге өлердей құштар еді,
Өмір үшін отты да ұстар еді.
Кең дүниені тарсынып қыран жүрек,
Қай-қайданы бетке алып ұшты әдейі.