Ақын өлеңдері жинағы ✍️

Ер кісі жыламайды, жабығады,
Жүреді қабақ солып, жабық әрі.
Әйелдер мұңын сығып көз жасымен
Өлшейді бар дүниені өз басымен.
Сенің де көзің түсіп қабағыма,
Кептеліп қалды түйін тамағыңа.
Жаутаңдап жалтаң-жалтаң қарай бердің,
Дегендей бұрын дәйім арайлы едің.
Айырған қайғы-мұңның кім арасын?
Көрмеші көңілімнің кінәрасын.
Жүздерің сынық жүрсе жер үстінде,
Тарылып кетер, жаным, өріс мүлде.