Ақын өлеңдері жинағы ✍️

Шабандоз тұқымынан атқа мықты,
Оқыста омақасып оңбай қапты.
Бір мәстек көкпарды іліп аттаныпты,
Қай қазақ жіберетін ондай бақты!
Орап ап сүйектерін еппен ғана,
Әкепті сынықшыға шабандозды.
Бір сынық салынған соң:
– Кеткен жаңа, –
Депті ғой,- әкелші, әке, маған бозды!
Сабазың қарғып тұрып, морт құлапты,
Көзіне күлім қағып жақсы ертеңі.
Бұлаңдап боз арғымақ төрт құлақты
Арқалап кете барған ақ серкені.
Шабандоз тағы тайып жығылғанда
Көкпарды беред дейді-ау шыбын жанға.