29.05.2022
93
![](/uploads/shorttexts/author_image/2022-05-30-00-49-58.png)
Жаутаңдайды жыл бізді қимағандай...
Жаутаңдайды жыл бізді қимағандай,
Қоюланып барады түн дегенің.
Өкінішім кеудеме сыймағандай,
Мен де түндей түнеріп, үндемедім.
Көңілімнің көгінде бірақ-тағы
Би билейді қыздардай сәуле деген.
Қолым жетпес қиянның шырақтары
Жүрегімді несіне әурелеген?!
Қанат бітсе, кідірмей ұшар едім,
Басты тігіп жолына армандардың.
Отымменен ең соңғы құшар едім,
Күлге айналсын, апыр-ау, қалған жаным!
Кетпей қойды қаңғыбас қиял бастан,
Жаңа жылда жанар ма жан үмітім?
Мен де жоқты сұраймын ұялмастан
Пенде бар ма дүниеде жаны бүтін?!