Ақын өлеңдері жинағы ✍️

Жаздың соңғы түнінде жаңбыр тамды,
Күз де жаны сүйеді жаңғыртқанды.
Көңілсіздік көрпесі көсілді де,
Таңертеңгі жап-жарық жан бұлттанды,
Шаруаға басталды жиын-терім,
Балапанды санау да қиын керім!
Табиғаттың сырт тартып бұ тойы да,
Жұлқылайды жүректі құйын-перің!
Жемісімді биылғы шашып алып,
Үйір болды үйге – мұң, басыма – бұлт!
Уағымен уылжып түскен күзге
Қызғаныштан көңілім ашынды анық!