29.05.2022
109
![](/uploads/shorttexts/author_image/2022-05-30-00-49-58.png)
От едім өшкен, лебіңнен сенің түтедім...
От едім өшкен, лебіңнен сенің түтедім,
Тымықта соққан самалдай неткен құт едің.
Жаутандап қарап жолыңа жетім баладай,
Рақат бір сәтті жұмақтай аңсап, күтемін.
Күтемін аңсап – жанымның осы арманы,
Басқадан амал, қайтейін,бірақ қалмады.
Көкірегім тола үміт пен арман нұры еді,
Қасіретті қайғы аждаћадай-ақ жалмады.
Сенделіп жүрмін сергелдең, сырдаң жалғанда,
Таусылып, тақыр болғандай менде арман да!
Тұтанған жүрек лапылдай лаулап кетпес пе,
Құшаққа сені құштарлықпенен алғанда?!