23.05.2022
106
![](/uploads/shorttexts/author_image/7e9ba8d5-1204-4269-aef9-633333a5bb45.jpg)
Дос ортасын
Дос ортасын, шат думанды сүймес кім,
Жалғыздықты өмір бойы сүймеппін.
Өмір деген өнегені үйреніп,
Бақыт деген мақсаты бар үйде өстім.
Мәнсіз жерден жүріппін алшағырақ,
Достарымның үйлері ән-шаңырақ.
Бұл дүниенің қызығын көріп жүрмін,
Әлі талай көрермін... Қанша бірақ?
Өмір деген ағынның жетегінде,
Жол табармын жүрсем де етегінде.
Алла берген ырзықты өтей жүріп,
Өкінбестей болсам ғой, кетерімде...