Ақын өлеңдері жинағы ✍️

Ерекше күн–бүгінгі күн, күн ашық,
Табиғат та қалыпты ғой жуасып.
Аруларды құрметтейік біз бүгін,
Күн сияқты келетұғын түн асып.
Жүреміз бе, жүрмейміз бе кемді-күн,
Өлең сыйлау қолдан келсе ендігім.
Амал бар ма, атамасқа мен бүгін,
Халықаралық әйелдердің теңдігін.
Арулары қазағымның құлпырсын,
Әр ақынның жүрегінен жыр тусын.
Елімізді аспандатып көтерер,
Әрбір ару Абылайдай ұл тусын!