Ақын өлеңдері жинағы ✍️

Ыңырсып мұнды ән айтып,
Ылажсыз келем ырғалып.
Жіберді мені мұңайтып,
Күткен бақыт бұлданып.
Көңілім менің тойғандай,
Көркіне көктем – жастықтың.
Қызуым қалып қойғандай,
Астында көрпе – жастықтың.
Несіне мені күлгізді ,
Жылатар болса, бұл өмір.
Келді де көктем, күн қызды,
Жете ме күз де түнеріп.
Ыңырсып мұңды ән айтып,
Ылажсыз келем ырғалып.
Шимайсыз қарға сап айшық,
Артымда ирек із қалып.