Ақын өлеңдері жинағы ✍️

Түні бойы тамырыммен ой ақты,
Ұйып қалған сезімімді оятты.
Ұмыт калған ұяң мұңым жас болып,
Жауып-жауып, жастығымды бояпты.
Түні бойы айдың әнін тыңдадым,
Түні бойы қалықтаудан тынбадым.
Түні бойы тереземнің алдында
Ән сап тұрды менің ғашық қыздарым.
Таң еркелеп мойыныма асылды,
Жұлдыз күліп, жайлап жүзін жасырды.
Сонда ғана кірпіктерім айқасып,
Ұйқы жаулап бара жатты басымды.