Ақын өлеңдері жинағы ✍️

Достар, достар мақтанышым,
Арманымның ақ таңысың.
Менің жолым сендерменен,
Арайланып жатқаны шын.
Достар, достар, қуанышым,
Өмірімнің шуағысың.
Шыңдарымның шырағысың,
Бақытымның бұлағысың.
Достар, достар, тірегімсің,
Тірліктегі тілегімсің.
Лүпіл қаққан жүрегімсің,
Жолдарыңа гүл егілсін.
Достар, достар, қане қолдас,
Достық гүлі мəңгі солмас.
Көңілінің досы жоқтың,
Өмірінің мəні болмас.