Ақын өлеңдері жинағы ✍️

Сыңсып-сыңсып
талдан бүршік.
шығады ыршып,
шығады үркіп.
Тоқтамайды бұл тіршілік...
Жесір қайың тұр күрсініп.
Жесір қайың,
Жесір қайың,
Сары уайым
Салма дәйім.
Балалайтын бар ма жайың?
“Бар ғой” десең... алданайын.
Енді бүгін
дүние ділін,
келсе білгің –
шығады үнің.
Жауабы сол сұрағыңның –
Қурағаны сыңарыңның.
Естен танып,
Қурап қабық,
Сөнім жарық,
Болып табыт
Өлген қайың – сенің жарың,
Ұмыт, сорлы, енді бәрін!