Ақын өлеңдері жинағы ✍️

Келмей-ақ қой, келмей-ақ қой сен маған,
Құсым едің қолыма ерте конбаған.
Қара түнсің сен үстіме орнаған,
Мен– теңізбін, дөңбекшимін, долданам.
Келмей-ақ қой, келмей-ақ қой сен маған.
Мейірсізбін, мені әурелеп қайтесің,
Бар болса егер алмай жүрген, айт, өшің.
Сен– перісің бір көрсеткен ай төсін.
Мен– пендемін– біздерде жоқ сәйкесім.
Меңіреумін, мені әурелеп қайтесің.
Келмей-ақ қой, мойныңды енді бір бұрма,
Жүк түсірме жүрек деген құрғырға.
Мен өзімді байлап қойдым шынжырға,
Бір сындырған сағымды енді сындырма.
Келмей-ақ қой, мойнынды енді бір бұрма...