Ақын өлеңдері жинағы ✍️

Елестетіп сырласам гүл өңіңмен,
Өшкен емес лебізің жүрегімнен.
Қалай екен қайранмын өзім-дағы,
Əйтеу, сені сағынып жүремін мен.
Бал екен- ау бақытың бұйырмаған,
Артта қалды арман-із шиырлаған.
Қуансам да аңсаймын мұңайсам да,
Əйтеу, сені ұмыту қиын маған.
Зарықтырған күндерге көндім берік,
Сезім отын жүректің сөндірмелік.
Арыла алмай жүрмін бір сағыныштан,
Əйтеу, сені тұрады көргім келіп.
2007. 1. 17