Ақын өлеңдері жинағы ✍️

Сүт сəуле толқындармен шағылысып,
Айна көл ай сағымын аймалайды.
Қауышу қандай бақыт сағынысып,
Алыстан аңсау-дағы жанға жайлы.

Ай-арман, қол жетпес көгімдесің,
Ай-арман, əрқашан көңілдесің.
Сағымың бірге жүзіп аққулармен,
Арайың айдынынан бөлінбесін.
Көлдей боп аспандағы айға ғашық,
Өмірдің сан өрнегін көреміз ғой.
Алыстан жүрейікші аймаласып,
Тағдырдың салғанына көнеміз ғой.
Айдынның арман көріп нұр жүзінен,
Аспаннан ақ жаулығын ай бұлғайды.
Шын сүйген ғашық жандар бір-бірінен,
Алыстап кетсе-дағы айырылмайды.
2007. 10. 5