Ақын өлеңдері жинағы ✍️

Ей, жігіттер, ер жетсек те біз бүгін,
Түсінбейміз жаны нәзік қыз мұңын.
Қызғаныштың қызыл өртін өршітсек,
Айыпты ма, айтпаса олар шындығын.
Жат еріннің табы қалған ақ тамақ,
Тұрар кейде өзін-өзі ақтап ап.
Ол, өйткені, бір жігіттің қылмысы
Өзіміздей өліп-өшкен ашқарақ.
Қайран ару кете берсе қан жылап,
Даңғой басың қалады ғой даңғырап.
Жүрдек ойлы жүрегінді жүгенде,
Бауырыңда бақыт жатса балбырап.