Ақын өлеңдері жинағы ✍️

Айдағанға көнетін қарсыласпай,
Жалпаңдайтын жауына жан сырластай,
Алдағанға иланып бас изейтін,
Қаңғыбасқа қарайтын тағдырластай;
Шалт қимылдан қаймығып сескенетін,
Жұдырығын артынан кезенетін,
Сөзді бастан елемей асыратын,
Көсеміне өзгенің бас ұратын,
Батыр болып жау қашып жөнелгенде,
Сүрен салып құтыңды қашыратын;
Күн аманда үрейлі, ай аманда,
Артын баққан әліптің қай заманда,
Жаулықтысы – базарда, бөріктісі
Тас маңдайын төсеген жайнамазға;
Тірлікті кешкен ұсқынсыз,
Құруға көнген із-түзсіз,
Даласы малсыз, су құссыз
Қалса да – ҮНСІЗ
Біз кімбіз?