Ақын өлеңдері жинағы ✍️

Ісләм аға әлемі
Шуақты да әдемі.
Көзге жылы ұшырар
Жаңа сөздер бәдені.
Таң талайлы – ізгі үміт,
Қарсы аламыз біз күліп.
Күн шырайлы жетелеп,
Берер бізге түн тыным.
Жаздың күні ерте тұр,
Гүлдепті ғой бөртегүл.
Балмұздақты тамсайды
Балбұл жүзді ерке бір.
Аялдама қасында
Тұр егде де, жасың да.
Гүлгүл алып келді қыз,
Шашбауы бар басында.
Шалқып жүрек жалыны,
Аршындайды адымы,
Адамзаттың кеңейсе
Дүниетанымы.
Ұқсап алғыр Барысқа,
Бағдар алдық алысқа.
Ғаламшардан ұшамыз
Зымыранмен ғарышқа.
Көрермен де осында,
Оқырман да осында.
Осында аға, апалар,
Бауырым да, досым да.
Зәулім біздің өнержай,
Жиналған жұрт қонақжай.
Әуелесе ән мен жыр,
Нұрланады жансарай!