Ақын өлеңдері жинағы ✍️

Дүние тұрғанша...
Ататын таң қанша,
Бататын күн қанша.
Айтылар сыр қанша,
Жазылар жыр қанша.
Шырқатар ән қанша
Үндіше, италиянша,
Көрсетер сән қанша,
Сылаңдар қыз қанша.
Күмбірлер күй қанша
Кәдімгі қазақша,
Дөңгелер би қанша
Испанша, сығанша.
Аллаһ тағала қолдаса,
Жүретін жол қанша,
Қысатын қол қанша,
Баратын жер қанша,
Көретін ел қанша...
Дүние тұрғанша...
Таңдарды атырып,
Күндерді батырып,
Ақтарып сырларды,,
Төкпелеп жырларды,
Шырқата ән салып,
Таңқалып, тамсанып,
Би билеп жан салып,
Дабылдап, жар салып,
Күй тартып мұңданып,
Булығып жынданып,
Түрліше тіл қатып,
Күн қатып, түн қатып,
Ойланып, толғанып,
Қаламын қолға алып,
Бір тынбас Адамзат.
Үмітін үзбейді,
Тіршілік іздейді...