Ақын өлеңдері жинағы ✍️

Үш өлшемді кеңістігім – Елім.
Биіктігім – көктегі Күн – Тәңірім,
Кеңдігім – байтақ Далам – Жерім,
Тереңдігім – көз тұнатын Кенім.
Тәңіріме тағзым етсем – Ғажабым,
Жерім тозса, елім азса – Азабым.
Қолды болып алтын сандық қазынам,
Келешекке қауіп төнсе – Мазағым...
Қалай ғана тап болдық күйге мұндай:
Үстімізде – Жаратқан ием Құдай,
Астымызда – ағыл-тегіл Мұнай,
Ортасында – отыр Қазақ Жұрдай!