Ақын өлеңдері жинағы ✍️

Аяулымнан көз жазып бір қалғанда,
көңіл көгін бұлт-мұң келіп шалғанда,
сам жамырап мың сан жұлдыз тұрса да,
жалғызсырап жапа шегем жалғанда.
Оңайлықпен туа қалған қашан жыр,
күңгірт тартқан көңіл шамын ал, жандыр.
Самаладай мол жарықтың ішінде
жалғыз шырақ секілденіп шашам нұр.
Сен деп білем тәңір жазған сыңарым,
жан-жайлауға шырай берген шынарым.
Жүз қыз ұйып тыңдағанмен, алайда
саған ғана арналған бар жыр-әнім!