Ақын өлеңдері жинағы ✍️

Жасап алып жалған би, жалған батыр,
Шырмауықтай сананы шырмап жатыр.
Тіл табысқан рухани сыбайластық –
Жадымызды жаулайтын терминатор.
«Менің атым әлі де жүре тұрсын,
Сенің атың әзірге тұра тұрсын.
Менің жалған биім де, батырым да,
Аты шулы қор құрсын, мұра құрсын» –
Міне, осы бұлардың фәлсафасы,
Өтіріктің айтылды қаншамасы?!
Жанын таза ете ме, арын нәби,
Жиренішті көпірме жарнамасы?