Ақын өлеңдері жинағы ✍️

Кешегімде қалмаймын, өткенімде,
әне қалды қарайып өткелім де.
Таусылған жоқ дәм-тұзым, көрер күнім,
шарпиды жүз, өшкен жоқ от демім де.
Келешекке көшемін кідірместен,
тыңдамаймын шалдарды күбірлескен.
’’Көш көлікті болсын!’’ де, тілеулесім,
мен ілесем жастарға дүбірлескен.
Келешекке көшемін өлеңіммен,
жараныммен, өрімтал өреніммен.
Келешекке көшемін Ер Халқыммен,
өзін-өзі билеген Өр Еліммен!