Ақын өлеңдері жинағы ✍️

’’Шешін!’’ десе Олжас күндей күркіреп,
Сайқал саспас, хас перизат үркімек.
’’Шешінбе!’’ деп шыр-шыр етіп Серік жүр,
Қарап тұрып қыстығамын күлкі кеп.
Көңіл пәс қой, болмаған соң иін көк,
’’Киін’’ десең, киінетін киім жоқ.
’’Шешін’’ десең, батарея тұр мұздап,
Кетті қазір жағдай тіптен қиын боп.
Десек тағы ’’тізгініңді үз, ала қаш’’,
Әйел біткен онсыз дағы жалаңаш.
Шешіне ме, шешінбей ме – бәрібір,
Сұлулыққа сүйсіне ме адам аш?!