Ақын өлеңдері жинағы ✍️

Мол шуағын төгеді Күн анадай,
Мейір-нұрға қуанамыз баладай.
Көктем басы – Аналардың мейрамы,
Күлімдеген елдің көңiлі даладай.
Ана десе теңселеді шың-құздар,
Ана десе тербеледі жұлдыздар.
Адамзаттың ардақ тұтар асылы –
Абзал ана, ару әйел, гүл-қыздар.
’’Жан анам!’’ деп тағзым етер сан адам,
Сол сөз қалған ақын, батыр, данадан.
Махаббат та, парасат та, қуат та
Бастау алған құдіретті Анадан!