Ақын өлеңдері жинағы ✍️

Иманды бұл дүниеде ер сұрайды,
Тітіреп дәретсізден жер жылайды,
Көп жеген кісі ақысын залым-зұлым
Бек қысып қабырғаңнан көр сұрайды.
Иманы адал құлдың дайын болар,
Көңілге жамандығы аян болар,
Бұлдаған сүтін-күшін сүт қорлықтар
Көріңе өлгеннен соң шаян толар.
Ей, мұсылман, қарындас,
Әкеңнен алған ақылың
Қазылған қара жолмен тең.
Жақсысы кімнің бар болса,
Алдында сары белмен тең.
Жақсыдан алған ақылың
Сайдан келген жермен тең.
Көп жаманның мінезі
Жиылып келген жынмен тең;
Көтерілген көп жаман
Көшпелі жолдан адасса,
Көп те болса, азбен тең;
Қаптаған боран ашылса,
Жадыраған күн, жазбен тең.
Халайықтар, жараңдар,
Халқыңменен тату жүр,
Өтетұғын сұм дүние
Қаңқылдап ұшқан қазбен тең.