Ақын өлеңдері жинағы ✍️

Көк сеңгірден құстар көрдім,
құстар көрдім самғаған,
Мен де ұшуға құштар болдым,
ұша алмауға арланам.
Талаптанып ұшқан болдым
жас болса да қанатым,
Мен бүгінгі тастүлекпін,
ертең топты жаратын.
Інге қашқан тышқан көрдім,
қорқақтық қой, оны ұғам,
Тақымымды қысқан болдым,
ере бармай соңынан.
Шарықтатшы құстар сынды,
тән қасиет бұл бізге,
О, Құдірет, тышқан сынды
қара жерге кіргізбе!