Ақын өлеңдері жинағы ✍️

Өлеңменен қарсы алатын әр таңын,
Атпай қалса...
таусылғанда талқаным.
Қорасынан қой таба алмай соятын,
Жалғыз ұлды қинай ма деп қорқамын.
Ауырғанда соны ойлаумен қиналам,
Кітаптарым ас бола ма, жинаған.
«Қорасынан қотыр лақ шықпады-ау,
ақын еді дүниеге сыймаған...»
деген жұрттың табасына қалам ба?
Ауырғанда осы тұрар санамда.
Ұлымның өз қолы аузына жеткенше,
Тірі жүре тұрсам екен онанда..