Ақын өлеңдері жинағы ✍️

Қуанышыммен, қайғыммен,
Асқақ едім ғой, айбынды ем.
Махаббат деген сиқырдың,
Дауасын таппай қойдым мен.
Түкпірін үңгіп кеудемнің,
Тербейді мүлгіп шер мен мұң.
Жаныма жастай жабысқан,
Жарамды немен емдермін?
Үмітсіз кейде сондай бір,
У ішкен бейне жандаймын.
Кішкентай ғана күнәсіз,
Жүректі қалай алдаймын?!
Алғаусыз сәби кезімнен,
Дәрменсіз пәни сезіммен.
Қылаусыз қардай ардағым,
Қоштасам қалай өзіңмен?!