Ақын өлеңдері жинағы ✍️

Өшпестей етіп көңілге тастап несіне із,
Өкпеге қидық өмірді қайтіп осы біз?
Ақ жауын жуған айғызда-айғыз әйнегін,
Екеуміз енді екі үйдің терезесіміз!
Бір-бірін іштей сағынып, сүйіп жүрмесе,
Шаттықтың күйін шертетін еді кім кеше...
Болғанмен ортақ Жер, Аспан, Ауа, Су, Жарық,
Біздерді мәңгі жатады бөліп бір көше.
Күндерден өткен болмайды үміт күтуге,
Жаралы, жарты жүрегінді емдеп бүтінде!
Қол созым жерден тілектес болып жүрейін,
Сен жаққан оттан сызылып шыққан түтінге!!!