21.05.2022
144
![](/uploads/shorttexts/author_image/22196279-1528823030499319-7289339470780256633-n1.jpg)
Жеңіс мен жеміс
Атана ма бекер Ер,
Ауыр шығар тым, иә?..
Зілтемірді көтерер,
Зор иықты Илья.
Күшті әрі қайратты,
Күшенбейді ол, күледі.
Бұлшық еті ойнап тұр,
Білеу – білеу білегі.
Атын естіп әр қиян,
Алақайлап шақырсын.
Болғанымен чемпион,
Балаларға – ақылшы!
Таза ауада қыдырды,
Тағы жасап жаттығу.
Жиі – жиі жүгірді,
Жалқауланған жоқ күні!
Өнеге еді бұл, міне,
Өзімшілдер ұқпады.
Алма бақты көрді де,
Айналсоқтап шықпады...
Қылығы оның қызық-ақ,
Құбылтпайық текке ойды.
...Бір қолымен үзіп-ап,
Бес алманы жеп қойды!..