Ақын өлеңдері жинағы ✍️

Мың жылға нүкте қойып сен де міне,
Кетесің еріп дәуір керуеніне:
Ғасырым, көз танитын - өз тарихым,
Қош енді, ризамыз бергеніңе!
Өткеріп сан сүргінді алашапқын,
Шығардың майданынан ғарасаттың.
Көк байрақ сен сыйлаған желбіреп тұр,
Баянды белгісіндей болашақтың!
Қайтеміз қоштасарда салғыласып,
Өмір ғой жататын бұл мәңгі ұласып.
Жалғасың – келер ғасыр жарылқасын,
Қазаққа жақындатып жолды қашық!