Ақын өлеңдері жинағы ✍️

Жауласпа жалғыз ауыз сөзге бола,
Жараспас тарақ ұстап таз балаға.
Құйрығың бір-ақ тұтам шолтаңдаған,
Күпсініп көрінгенмен көзге ғана.
Көңілің көр тышқандай жер кемірген,
Жүйрікті көре алмайсың желге мінген.
Қызыл шоқ – қызғаныштан өртенесің,
Көз сатып гауһар тасқа елде жүрген.
Қайтесің өзіңдегі жоққа жылап,
Сасыған қара доңыз боққа құлап.
Сорлының санасына сөз қонар ма,
Әу баста жаралған соң ақпақұлақ.