Ақын өлеңдері жинағы ✍️

Қазақ қазақ бола ма кешікпеген,
Өлең деген өзенді кешіп келем.
Мен қалайша Несіпбек бола алмаймын,
Сыңарым тұр сұңғыла Несіп деген!
Шал болғанша қаусаған, қалтылдаған,
Саусағыңнан түспесін алтын қалам.
Спорт деген мұхиттың айдынында,
Жығылмасын желкенің жалтылдаған!
Бәйтерексің сыйлайтын бұтаны да,
Бұлбұл қонсын тек қана бұтағыңа.
Бүкіл қазақ жиналсын әр қиырдан,
Бал арадай үймелеп кітабыңа!