Ақын өлеңдері жинағы ✍️

Сағынуға болмайды,
Сағынбауға, тіпті де тиым салам.
Беймәлімін білемін күйім саған.
Әулекілеу сезімге әуреленген
Әумесерлеу халім бар,
Дәурені өлген...
Сені ойлауға әйтеуір бейім санам,
Төңкерілер жай таппай миым содан...
Аңсауға да болмайды,
Аңсамауды сонда да шектей алмай.
Әуезді үнді әуеге тек қия алмай,
әуестігім артады, алабөтен
сен деп соғып,
бұл жүрек қала ма екен?
Қалауыңа ренжіп шет қиянда-ай..
Шорт үзілген сезімді септи алмай...
Сен деп соғып бұл жүрек қала ма екен?