Ақын өлеңдері жинағы ✍️

Ақмола кеше аппақ моласың,
Келімсектерге батпақ қорасың.
Заманың өтті басқа шығарған,
Басқаның жиып баспақ, танасын.
Астана бүгін асқақ қаласың,
Жаһанға әлі жақсы аттанасың.
Өз тілін жаңа үйренгендерге,
Талай жыл әлі «тақпақ» боласың.
Табамын деумен тылсымын жырдың,
Астана сенде құлшынып жүрмін.
Кенесарының апанына кеп,
Жартыкеш айға тұмсығымды ілдім.
Арналы жұртым, затың бөлек те,
Зәру емессің ақыл-көмекке.
Алшаңдап басып, төсіңде жүрмін,
Астана, саған ақын керек пе?!