19.05.2022
98
![](/uploads/shorttexts/author_image/hiycufrgitk.jpg)
Талмауыр ұйқымнан таңсәрі тұрғызды...
Талмауыр ұйқымнан таңсәрі тұрғызды,
Зілмауыр ойларды миыма батпандап.
Шаңқайда шекемнен күн қызды,
Арқаның самалы мақпалдап.
Солығын күл-қоқыс аңдыған мысықтың,
Тебіңгі тәріздес көлеңке қарбытты.
Бұтына бұралқы күшіктің,
Қалалық шағала саңғытты.
Ақшамға қортылып таңда ішкен сәресі,
Еңкейіп батқанда қызылкөз күн жылар.
Қаланың тірлігі дәл осы,
Дәтіңе дәретін сындырар!