Ақын өлеңдері жинағы ✍️

Жол бойында жəндіктерге жан кіріп,
Өзендерге жапырақтар сыбырлап,
Май да келді, сағындырып, жандырып,
Көңілді орман күлкісімен шуылдап.
Жарық күннің сəулесіне шаттана,
Өсімдіктер қолын созып жатқандай,
Тіпті бар ғой, көлеңкелер қап-қара
Көк бояуға көшіп кетті мақпалдай.
Көгілдір май – жаз басталар шағы ма?
Кеудеге кеп қуаныштың толды əні.
Қандай жақсы, жайнап кетті тағы да
Көктемдегі туған жердің орманы.