Баталар жинағы ✍️

Қолыңды жай түлектер,
Сендерге бата берейін!
Биік самға аспандап,
Үстем болсын мерейің!
Қиындықтар болмасын,
Үлкен оқу жалғасып!
Жаратқаным қолдасын,
Бар жақсысын таңдасып!
Мықты маман иесі,
Данқты жан болыңдар!
Адал аппақ жолында,
Биік шыңға қоныңдар!
Жүздеріңде мұң болмай,
Тек қуаныш орнасын!
Бақыт, шаттық лайым,
Таба берсін жалғасын!
Гүлдей жайнап өмірің,
Тамыр жайып жайқалсын!
Орындалып армандар,
Мақсатқа жол байқалсын!
Саулықтарың мықты боп,
Сәтті күнді жалғай бер!
Қызмет қып еліңе,
Бар жақсыны арнай бер!
Әумин!