Ақын өлеңдері жинағы ✍️

Еш себеп жоқ лауламауға,
Жанбауға.
Сенбе, жаным, арбау мен алдауға.
Хақымыз жоқ ешқашанда біздердің
Сүттен аппақ.
Судан таза болмауға.
Бірде арманға қалғаныңды үлгермей
Жасыр, жаным,
Досыңа да сыр бермей.
Сүйер болсаң әрқашанда сезін тек,
Құшағыма тұңғыш рет кіргендей.
Сені ойлаймын,
Саған үміт артамын.
Не береді,
Не сыйлайды әр таңым?
Күзді күнгі жапырақтай қалтырап,
Ең соңғы рет кездескеннен қорқамын.