Ақын өлеңдері жинағы ✍️

Тірі жүрсем бір ғұмыр кешемін мен,
Кетіссем де көп жаннан кеше жүрген.
Ешкімнен де көрмеймін соның бәрін
Көремін тек өзімнің кеселімнен.
Бір жақсысы өзімде өз жүрегім,
Еркін ұшам, соны елге сездіремін.
Жегізіп-ақ жүрсе де сан таяқты
Жарасады өзіме сол мінезім.
Міне, сондай бар менің ішімде сең,
Соның бәрі өң екен түсім десем.
Жайым солай,
Жанымды кім түсінер,
Ең жақыным егер сен түсінбесең.