Ақын өлеңдері жинағы ✍️

Иығы менен төсіне
Қоп-қою шашы төгіліп.
Әлдекімді алып есіне,
Мұңданар жаны егіліп.
Таусылып тағат, амалы,
Бұласын жасын көз мейлі.
Ынтығып жүрген адамы –
Қайғысын қыздың сезбейді.
Елес боп, түс боп кіреді,
Алдайды атпай ғажап таң.
Ғашықтың әлсіз жүрегі
Талады тәтті азаптан.
Ғажапқа осынау не дейді,
Рақат пен мұңға көнеді.
Сүйгендер өлдім демейді,
Тек қана үнсіз өледі.