Ақын өлеңдері жинағы ✍️

Сүйме мені, қарсылығым жоқ тіпті,
Келмейді әсте ешнәрсені кек тұтқым.
Мына менен үміттенбей кеттің сен,
Мен өзіңнен жақсылықты көп күттім.
Мейлі күтпе ақындықты сен менен,
Ақындарды түсінбейтін пенде емен.
Сен ұйымай кеттің менің жырыма,
Ал мен сенің айтқаныңа көнген ем.
Ерлікті де күтпе менен сен мейлі,
Өзіңізді енді ренжіткім келмейді.
Сен солдырып кеттің раушан гүлімді,
Ал мендегі сенің гүлің сембейді.
Бәрі солай бола-ақ қойсын түсінем,
Іздемеймін жұлдыздардың ішінен.
Бірақ анау тас түнектей кеудеңе,
Тегі байқа жасын отын түсірем...