Ақын өлеңдері жинағы ✍️

Көрік пен келісімге жоқ таласым,
Сұлулық өзі айтады ақ, қарасын.
Қанша рет көрер болсақ
Сонша рет
Алдында әсемдіктің жоқ боласың...
Сеземін, көңілің ақ,
Таза жаның,
Келмейді ешкімді де мазалағың.
Сендегі сұлулыққа ғашық болып,
Тартқандар жасай берсін жан азабын.
Кім қандай сөз айтады құмар жанға,
Құмар жан бір самғамай тұра алған ба.
Көркіңді мен өзіңнің көремін деп,
Ұшамын алдымдағы бір арманға.