Ақын өлеңдері жинағы ✍️

Әзіліміз біздердің жарасады.,
Көріп жүрміз талай бір тамашаны.
Қалжырадық,
Кетейік аулағырақ,
Жаным менің қалап тұр оңашаны.
Сен де маған сол сәтте көп қадалдың,
Шалт мінезден мен-дағы сақтанармын.
Барымды айтып,
Шешіліп оңашада
Бала құсап сырымды ақтарармын.
Сендей қызбен қызықты бөлісе алам,
Сен де ақырын жымиып,
Келіс оған.
Өзім елге кім болып көрінсем де,
Шаң жуытпай кетермін тегі саған.